HATAW! D'yaryo ng Bayan hatawtabloid.com
ni Reggee Bonoan
ALIW kami sa mga nanood ng Sana Bukas Pa Ang Kahapon noong Lunes ng gabi dahil habang pinanonood namin ang serye ay nakarinig kami ng hiyawan ng mga babaeng nasa katabing unit namin, ‘yun pala, dahil sa eksenang nakahubad si Paulo Avelino habang gumagawa ng tsokolate.
Susme, kinilig sila kay Paulo at kaya alam mo na Ateng Maricris, isa ang aktor sa dahilan kung bakit aabangan ang SBPAK?
Dito kami natawa nang husto sa reaksiyon ng kasama namin sa bahay ng mabilaukan si Bea Alonzo sa tsokolateng ipinakain ni Paulo, ”hayan, ang landi-landi kasi, nabilaukan ka tuloy.”
Affected si ate (kasama namin sa bahay)? Ayaw niyang may lalandi kay Paulo, ha, ha, ha.
Tanong din sa amin ng isa pang kasama namin sa bahay, ”bakit ang panget ni Bea, bakit pinapapangit siya, rati sa ‘Betty La Fea’, ngayon ulit?”
Ang paliwanag sa amin ng taga-Dreamscape Entertainment ay hindi naman magaganda ‘yung tunay na mayayaman kasi mas importante sa kanila ang mag-manage ng negosyo kaysa magpaganda, oo nga naman.
Ratings ng SBPAK, pumalo agad!
Samantala, maganda ang mga narinig naming feedback sa mga nakapanood sa unang gabi ng Sana Bukas Pa Ang Kahapon at maging sa ratings game ay mataas sa nakuhang 21.7% kompara sa katapat ng programa na halos kalahati ang lamang.
