Yolanda relief and int’l aids dapat nang linawin at iulat ng DSWD (Paging COA chief Grace Tan Pulido)

HINDI natin alam kung anong meron si Department of Social Work and Development (DSWD) Secretary Donky ‘este’ Dinky Soliman at bakit todo ang pagtatanggol ng Palasyo sa kanya.

Nang magpahayag ng testimonya ang isang madre sa katauhan ni Benedictine Sister Edita Eslopor para ibisto ang raket na “cash-for-testimony” agad ipinagtanggol ng mga ‘loro’ ng Palasyo si Madam Dinky.

Ni wala man lang nagsalita na “paiimbestigahan’ po ng Pangulo ‘yan.”

Agad ipinagtanggol ni Chief parrot Sonny Coloma, si Madam Dinky ‘parrot hair’ Soliman dahil hindi raw katungkulan ng mga tao sa pamahalaan ang lumabag sa batas kundi ang magpatupad ng batas

Ganoon talaga ang dapat, Sec. Sonny Coloma.

Pero, huwag mong kalimutan na mayroong president na na-impeached dahil sa ‘PLUNDER’ at convicted pa. At ‘yung sumunod na president ay nahaharap din ngayon sa kasong plunder din.

Ilang opisyal ba ng pamahalaan ang nakasalang ngayon at nasasangkot sa P10-billion pork barrel scam?

Hindi naman agad hinuhusgahan si Madam Dinky pero sa dami ng hinaing ng mga biktima ng Yolanda sa Kabisayaan, mukhang dapat talaga tayong mag-isip kung tunay bang nakararating sa kanila ang serbisyo at tulong ng pamahalaan para sa kanilang rehabilitation and recovery?

Sabi ni Secretary Coloma, “Tungkulin po namin ang magpatupad ng batas, protektahan ang kapakanan ng mga mamamayan, kaya kung sino man ang nagpaparatang na ang ginagawa ng pamahalaan ay taliwas doon, tungkulin din nilang magpakita ng kongkretong pruweba at hindi makatwirang dungisan ang karangalan ng sino mang opisyal nang walang batayan.”

Well said, Mr. Secretary, pero paano n’yo nga ipaliliwanag ang akusasyon ni Sister Eslopor at ng People Surge Alliance of Yolanda Victims?!

Kung ‘bogus’ ‘yan ‘e di sabihin ninyo sa tao!

Sabi ng isa pang Presidential ‘parrot’ este spokesman Edwin Lacierda, baka ‘impostor’ daw ‘yung nagpapirmang DSWD Secretary.

‘E sino ba talaga ang bogus?

‘Yung DSWD Secretary na nagpapirma? ‘Yung madreng nagreklamo? O ‘yung rehabilitation, recovery and reconstruction program ng national government ang bogus?

Paki-EXPLAIN lang po!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com