HATAW! D'yaryo ng Bayan hatawtabloid.com
ni Reggee Bonoan
ITINANGGI ng taga-Star Cinema na hindi na matutuloy ang pelikulang pagsasamahan nina Richard Gomez, Gretchen Barretto, at John Lloyd Cruz dahil may problema raw sa script.
Ito kasi ang ibinigay na dahilan ni Goma nang makausap siya na stalled na ang movie project, “yung sa ABS, na-stall ‘yung movie project namin ni Gretchen. Marami pa silang inaayos sa script. ‘Yung project with Gretchen, nire-refine lang ‘yung script.”
Matatandaang si Dawn Zulueta dapat ang kasama ni Goma sa pelikula, pero hindi pumuwede ang aktres sa personal nitong dahilan.
Bukod dito ay hindi rin natuloy ang TV project nina Richard at Dawn na You’re My Home dahil nagka-aberya rin sa script.
At dahil dito ay tinanggap ng aktor ang Madame Chairman ni Sharon Cuneta sa TV5 bilang leading man na magtutuloy-tuloy sa Pirated Family kapalit ng nasabing programa.
Samantalang si Dawn naman ay nasa Dyesebel bilang nanay na tunay ni Anne Curtis.
Per project ang kontrata ng aktor sa ABS-CBN kaya malaya itong gumawa ng project sa ibang network maliban sa pelikula.
Say naman ng taga-Star Cinema sa amin, “tuloy po ang movie, may inaayos po sa script at saka may stitches pa si John Lloyd (dahil sa aksidente sa bike) at may court case naman po si direk Chito (Rono) na kailangang tapusin at si Greta ay nasa London pa.”
Ang direktor nilang si Chito Ronobang isa sa punong abala sa kaso ng alagang si Vhong Navarro at direktor naman ng pelikula nina Goma, Greta, at Lloydie.
