Turista sinugod ng mga rabbit

NAGING viral sa internet ang video ng isang turista habang hinahabol ng daan-daang rabbit sa Japanese island.

Libo-libo katao na ang nakapanood sa video clip na kuha sa isla ng Okunoshima – kilala rin bilang Rabbit Island, sa Inland Sea.

Ang maliit na isla ay ginamit bilang secret army base noong World War Two at pinaniniwalaang ang mga rabbit ang ginamit para masubukan ang poison gas.

Habang sinasabi ng ilan na isang grupo ng schoolchildren sa field trip ang nagpakawala ng walong rabbit noong 1971 at dumami ang mga ito.

Alin man ang totoo, ang mga rabbit ay kinaaaliwan ng mga turistra na nagtutungo sa isla upang pakainin ang nasabing mga hayop.

(ORANGE QUIRKY NEWS)