Dalawang hinete nakantiyawan

Nakantiyawan ng BKs ang dalawang hinete na pumatnubay sa mga kabayong sina Flying Honor at Ecstatic Gee.

Ang sa una ay sobrang pigil at pagpapaikot nung nagdala sa kanyang mga nakalaban simula sa mga unang nakatabing kalaban at hanggang sa pumasok sa rektahan na puro monkey ride at pirmis ang nangyari.

Subalit mga ilang metro ang natira sa laban ay biglaang dumikit ang nagwaging si Adamas at sa puntong iyon ay huli na ang lahat na gagalawan palang ni hinete ang kanyang sakay laban sa nakabuwelo nang nakalapit sa kanya.

Naringgan din natin ang ilan na sunog daw ang unang tambalan sa dobol dahil sa iisa lamang ang koneksiyon sa likod nung nagwagi sa unang karera?

Ano naman kaya ang naging reaksiyon nila kung sakaling totoo man na kabitan na nga sana eh nabigo pa?

Ang kay Ecstatic Gee naman ay ramdam na ramdam ng nakararami na peke ang nagawang pagpapatakbo sa kanya ni hinete, iyan ay dahil sa sumasakay kasi ang nasa ibabaw dun sa nanalong animo’y hinatid lang ng tanaw hanggang sa makarating sa meta.

Itinumbas lang daw ang galing ni Ecstatic Gee sa naka-photo finish niya sa meta. Aguy-aguy, mga class-A riders nga naman. Maaring mapanood iyan sa website ng MJCI (www.manilajockey.com), na matatagpuan sa race results. Mayroon din sa Youtube, i-search lang ang MJCI-012914-R02 at MJCI-012914-R6 ayon sa pagkakasunod.

Fred L. Magno