HATAW! D'yaryo ng Bayan hatawtabloid.com
KAHIT single si Jennylyn Mercado ay halatang happy siya at ganado sa trabaho.
Buong ningning na sinabi ni Jen na friends lang sila ng leading man niyang si Mark Herras. Marami pa naman ang humuhula na may balikang mangyayari dahil magkasama sila sa serye at parehong walang commitments.
“Malabo po. Wala po. Hindi po talaga . Kasi sobrang special ‘yung friendship namin. Kasi usually ‘yung mag-boyfriend-girlfriend, hindi mo masasabing forever na ‘yan, eh! Kasi minsan talagang naghihiwalay, nagkakaroon ng problema. Gusto ko ba ‘yun na mangyari sa aming dalawa? Maganda na ‘yung special friendship na forever, alam mo ‘yun? ‘Yan ang mas mahaba, mas matagal. Kahit anong oras, puwede mong lapitan, pagsabihan ng problema. Parang para sa akin, okey na okey na ako roon,” bulalas ni Jennylyn.
“At saka sampung taon na rin kaming magkaibigan, wala akong problema. Wala siguro kaming magiging problema,” aniya.
Kinuha namin ang reaksiyon niya sa napipintong balikan ng ex niyang si Luis Manzano at ni Angel Locsin.
Napangiti lang siya at ayaw mag-comment. “Hindi ko alam. Sila na lang ang tanungin n’yo,” sey pa niya.
Naniniwala ba si Jen na kaya nag-break sila ni Luis dahil nagkakamabutihan ulit sina Angel at Luis?
“Hindi na ako magsasalita about it. Ano na lang..siguro kailangan… ang dami ko namang ginagawa ngayon, hindi ko na kailangang isipin pa ang mga ganoong bagay. Ngayon, pagtuunan ko na lang ng pansin ‘yung trabaho ko, pamilya ko, si Jazz, kasi ‘yun ang importante, eh! Ngayon, hindi ko muna kailangang isipin ‘yun dahil tapos na,” reaksiyon pa ni Jen.
Pero sa sarili niya, naniniwala ba siya na ‘yung past relationship, hindi nawawala ‘yung pagmamahal?
“Ano ba? Kasi depende, eh! It’s a case to case…,” tugon lang niya.
May ganoon din ba siyang feeling na ‘mahal’ pa rin niya ang ex-boyfriend niya?
“Wala,” malutong niyang sagot sabay tawa.
Wala ka ring babalikan?
“Wala. Sa history ko naman, wala akong binalikan. I don’t think mangyayari ‘yun,” sambit pa niya.
Pero may statement si Jen pag umibig siya ulit, “Sabi ko nga ngayon, lahat ng relationship ko, gusto ko lahat ibinibigay ko para sa dulo, wala akong pagsisihan. At least, lahat naibigay ko lahat,” deklara niya.
Na-shock din si Jennylyn at naloka nang biruin siya ng isang movie columnist na ipakikilala siya kay Phil Younghusband na ex ni Angel.
Talbog!
Roldan Castro
