Crowd Bar, pampamilyang gimikan

KUNG hanap ng inyong pamilya ang gimikan, tamang-tama ang Crowd Bar and Restaurant  sa Mandaluyong City na nagtatampok sa mga topnotch popular singers at bands.

Actually, noong July 26, 2013 pa ito binuksan ng mga may-ari na sina Cora Rodrigo ng GoldMine Production kasama sina Pia Espedio, Zaldy Carpeso, Cris Roxas at Gene Sison (kasama ang maybahay niyang si Ms. Joy Sison ng Joy For All Seasons fashion collections na namigay ng bracelet and necklace). Naging maganda naman ang opening dahil simula noo’y marami nang parokyano ang nagtutungo roon.

Bakit naman hindi, eh pawang magagaling na performer ang mapapanood doon tulad ng Side A, Freestyle, Juris, Faith Cuneta, Jeremiah, Spirit of 67, Class of 6, at Fat Session. At noong January 15, nagkaroon ng pagtatanghal ang Side A main man na si Joey Generoso at noong Janyuary 16 ay si Robin Nievera naman (anak nina Pops Fernandez at Martin Nievera).

Regular na performer naman sa Crowd Bar sina Laarni Lozada at Richard Villanueva tuwing Friday at ang Jeremiah tuwing Huwebes. Balita nami’y paboritong tambayan ito nina Vice Ganda, Pops Fernandez, Teresa Loyzaga, at Vivian Velez.

Ang maganda pa sa Crowd Bar, bukod sa may private function room (videoke room) na pampamilya talaga o para sa mga magkakaibigan, no smoking din ang naturang lugar. Kaya tamang-tama ito sa mga hindi naninigarilyo. Kaya go na kayo sa Crowd Bar. Para sa ibang katanungan puwedeng tumawag sa 9858414 at mag-email sa [email protected].

Maricris Valdez Nicasio