HATAW! D'yaryo ng Bayan hatawtabloid.com
REALITY BITES
ni Dominic Rea
NASA lock-in shooting ng isang pelikula niya sa Viva si Sean De Guzman sa Nueva Ecija noong tawagan siya at sabihing nanalong Best Actor sa Chithiram International Film Festival sa India para sa pelikulang Fall Guy na idinirehe ni Joel Lamangan at produced ng 316 Media Network ni Len Carrillo at Mentorque Productions ni Bryan Dy.
Hindi pa agad makapaniwala si Sean at halatang natulala at nagsawalang kibo nang marinig ang magandang balita.
Isinu-shoot pa lang kasi namin ang naturang movie ay marami na ang nakapagsabing magaling si Sean at posibleng magkaka-award.
Hayan na nga’t pati ang manager nitong si Len Carrillo at buong FamiLen ay nagulantang sa naturang balita.
Masaya si Len dahil deserving naman ng sikat na ring aktor ang tropeo. Kami mismo ay saksi kung gaano kamahal ni Sean ang kanyang trabaho at kung paano siya magpasalamat sa mga taong nakapaligid sa kanya.
