Dyowa ni songstress, sobrang makapag-demand

HINDI marahil aware ang isang mahusay na songstress kung paano makipagtransaksiyon ang kanyang dyowa.

Minsan kasing kinontak ng isang produksiyon ang singer for a guesting, pero parang tumatayong manager ang kanyang mister.

Kung tutuusin, puwedeng kumagat ang production sa P20k talent fee na hinihingi ng dyowa niya although by guesting standards ay OA ang halagang ‘yon to think na hindi naman ito pakakantahin.

Pero ang ikinaloka ng program staff ay nang mayroon pang demand ang dyowa ng singer. As a come-on to viewers, mayroong ipinamamahaging kitchen item ang palabas na ‘yon. At least five frying pans are out for grabs sa bawat episode nito.

Hindi pa nagkasya ang dyowa ng singer, baka raw may sobrang frying pan na puwede niyang arborin. Again, for sure, clueless ang singer sa mga business dealing ng kanyang dyowa dahil otherwise ang “sweet-sounding” na pangalan pa mandin nito’y maglasang maasim.

(Ronnie Carrasco III)