AQPrime maraming trabaho ang ibibigay sa mga taga-pelikula

HARD TALK
ni Pilar Mateo

AKALA mo may Korean invasion sa dalawang malalaking bulwagan ng Conrad Hotel sa Pasay kamakailan.

May mga celebrity mula Seoul kasi ang naanyayahan ng bigwigs ng AQ Prime para sa grand launching ng mga pelikula, reality show at iba pang proyektong ihahatid nila sa online streaming na bubuksan nila sa halagang P99 lang.

Impressed kami sa listahan ng mga pelikulang masasabing kaabang-abang sa nasimulan na, tinatapos at ipalalabas na lang na mga proyekto.

At excited kami sa reality show na ihahatid ng grupo sa madla. Ang Love or Lie at First Sight na ang aktor at pilantropong si RS Francisco ang magho-host kasama si Rob Sy.

It’s friendship that brought the writer at gumawa ng concept na si Afi Africa kay RS. 

“Sinabi ko lang na I have a concept na pang-reality, would you mind to check my deck? Sabi yes please…so i sent the deck. And right away sabi niya ‘this is exciting.’ Let’s do this. Tapos nangako pa siya na gagawin niya lahat para sa ikagaganda at tutulong siya sa show. Sabi pa niya siya ang guardian Angel ko. And I think, totoo naman kasi he’s been so helpful talaga for the show.”

Si Rob Sy.

“Rob Sy as we all know ay product ng isang reality show, first ever edition of ‘Survivor Philippines.’ So, who could better represent the PLAYERS than Rob Sy ‘di ba?”

Ang goal ng show?

“Goal ng show is to eliminate labels siguro. I’m not in favor kasi sa inilalagay na labels sa mga tao na kapag pumatol sa kapwa lalaki, gay na agad or whatever. Ang cheap ng ganoong thinking. Lakas maka-ancient. So I want to eradicate that thinking by creating this show. I just can’t stand with it kasi.

“Add ko lang, dahil nasa title naman at nasa teaser, mayroon talaga sa PLAYERS na for love at mayroon namang nagla-lie lang para sa premyo. So ‘yan ang kailangang malaman ni FINDER para ang mapipili niya at gagawing partner ay totoong LOVER, not LIAR with the help of LOVE OR LIE DETECTORS.”

Sa mga kuwento pa lang ni Afi, tiyak ng susubaybayan sa AQPrime ang kanilang programa.

Fifty one yummy guys ang agad-agad na ipakikilala sa unang episode ng reality show na tataob daw sa lahat ng napanood na natin sa local scene dahil sa kakaibang konsepto nito.

Kauna-unahang BL reality show na milyones ang ipagkakaloob sa mananalo.

Isa lang ang Love or Lie at First Sight, na isang BL Reality series sa aabangan sa mga pasabog ng AQPrime with Director’s Cut at SBT Entertainment. Mapapanood na ito sa Agosto o Setyembre 2022.

Ang isa sa magandang intensyon ng AQPrime ay makapagbigay ng mas marami pang hanapbuhay sa mga taga-pelikula. Rito, pati na hanggang sa iba’t ibang parte ng mundo.

Sari-saring genre na kaabang-abang base sa mga ipinalabas na trailer ng may mahigit dalawang dosenang pelikula.