HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
INANUNSIYO ni Anne Curtis sa kanyang Instagram na magbabalik na siya sa concert scene sa pamamagitan ng virtual docu-concert niya na Luv-Anne!
Ayon sa caption ng IG post ni Anne, “A very special docu-concert for everyone I LUV! Join me as I share bits and pieces of my life in the past two years. Plus! I just might have some surprise fierce, fun and fab performances! G? LuvANNE na LuvANNE na! I’m vack mga vaaaacks!!! Luv-Anne!”
Mapapanood ito 8pm (Philippine time) sa April 30, 2022 via KTX.ph at vivamax.net. Ang ticket prices ay VIP (with Virtual Meet & Greet) – Php1,750.00 at Regular – Php999.00. For inquiries, contact Viva at (0917) 182-5560 via Viber and WhatsApp.
Samantala, sabi pa ni Anne ay nalalapit na rin ang pagbabalik niya sa It’s Showtime matapos siyang batiin noong birthday niya ng kanyang co-hosts sa show sa pangunguna ni Vice Ganda.
Matagal ding nawala si Anne sa showbiz dahil nanganak siya kay Baby Dahlia. Pero lalo pang natagalan ang pagbabalik niya dahil sa pandemya.
Sa isang tweet sinabi ni Anne na hinding-hindi niya iiwan ang It’s Showtime. “As I told my ‘Showtime’ family during a private conversation. I will never leave ‘It’s Showtime.’ Been with them since day 1 and will be them until the day comes that the show has to say goodbye.”
