HATAW! D'yaryo ng Bayan hatawtabloid.com
HARD TALK
ni Pilar Mateo
NAKAPAGKUWENTO si Jake Cuenca sa guesting niya sa podcast na OAGOT (OVER A GLASS OR TWO) streamed live from New York, USA na ngayon ay aware na siya talaga na may pagkakahawig nga sila ni Yorme Isko Moreno.
‘Yun daw ang napansin ng mga tao sa pagsakay niya sa katauhan ng politikong si Troy sa Viral Scandal.
“Noon pa may mga nagsabi na nga sa akin na may hawig kami ni Yorme. Maski noong bagong artista pa lang ako. But this time, sa character ko, physically may pagkakahawig pero kapag nagsalita na ako eh, iba na rin.”
Masasabing kuntento sa buhay niya ngayon sa piling ng kasintahang si Kylie Versoza si Jake.
Sa Boracay nga nila mas pinili na mag-celebrate ng milestones sa buhay niya.
“But when it comes to our health and wellness, talagang masahe ang hanap namin ni Kylie. So, we found our sanctuary sa The Farm at San Benito. Roon kami madalas to unwind, just relax and chill.”
Hindi pa naman nila napag-uusapan ni Kylie ang mga bagay tungkol sa paglagay sa tahimik o pagsisimula ng pamilya.
“We’re just going with the flow. And I have realized na as I mature, everything’s going okay naman. In living a life with no regrets.”
May tatlong taon na ngang magka-relasyon sina Jake at Kylie. Na nang magkakilala ay parehong may ka-relasyon. Pero pinagtagpo at itinadhana pa ring maging sila.
Nakukulangan pa pala si Jake sa mga napag-aralan na niya sa mga kursong kinuha sa New York the past years. At nakatabi lang ang konseptong gustong-gusto niyang gawin kapag siya na ang magdidirehe ng pelikula niya.
“Some kind of youth-oriented. Kaya gusto ko aral muna uli.”
Aminado rin si Jake na as time went by, nag-mature na siya sa maraming bagay.
“Sumabay na ‘yung emotional journey and happy na ako with what ‘am seeing, what I’ve been through.”
Where his being an actor is concerned, alam na natin ang lalim at kahusayan ni Jake sa kanyang mga ginagampanan.
Ano pa kaya ang susunod?
