Maja, Mitoy, Kayla, at DJ Loonyo pinabilib ng UPGRADE

MATABIL
ni John Fontanilla

MULING napabilib ng grupong UPGRADE na kinabibilangan nina Casey Martinez, Mark Baracael, Ivan Lat, Rhem Enjavi, at Armond Bernas ang mga judge na sina Maja Salvador, Mitoy Yonting, Kayla, at DJ Loonyo sa kanilang performance sa Popinoy sa challenge na Story of Our Lives.

Kaya nakuha nilang muli ang top spot sa ikalawang pagkakataon dahil sa mahusay nilang performance.

Komento ng mga hurado, “Grabe mga bro, basang-basa ko lahat ng meaning ng steps at props na ginamit n’yo. ‘Yung net, hindi maiisip ng simple choreo ‘yun, “ ani DJ Loonyo.

“Best performance n’yo ito. Costume pa lang panalo na,” sabi naman ni Mitoy.

“I agree, best performance n’yo ito,” susog naman ni Kayla.

“Proud na proud ako sa inyo kasi nag-u-upgrade na talaga kayo. Kahit wala ako last week, ngayon nakita ko ng live na talagang pinanindigan n’yo,” komento naman ni Maja.

Kaya naman pasasalamat ang ipinararating ng UPGRADE sa kanilang mga mentors na sina Teacher Jobel ng D’Grind, Coach Moy Ortiz ng The Company, at Teacher Jobert Lachica sa training na ibinibigay sa kanila ng mga ito para maging mahusay sa kanilang bawat performance.