MATABIL
ni John Fontanilla
EXCITED na ang teen actress na si Shira Tweg na makatrabaho sa pelikula ang mga batikang aktres na sina Pilar Pilapil at Gelli De Belen sa pelikulang Mantsa.
“Yes I’m really excited to work with direk Louie (Ignacio) for the first time and I’m super excited also to work such an amazing actress in the industry, Tita Pilar and Tita Gelli.
“And it’s my first time also portraying this kind of role, so I’m very excited po,” panimulang turing ni Shira nang makausap namin ito.
Nagwaging Best New Female Artist of the Year sa 38th Star Awards for Movies para sa pelikulang Sugat sa Dugo si Shira.
Ayon kay Shira, isang malaking karangalan ang makatrabaho sa pelikula ang mahuhusay na aktres sa showbiz industry na sina Ms Pilar at Gelli. Alam nitong marami siyang malalaman at matutunan sa dalawa lalo sa acting.
