Maja Salvador lilipat na rin sa GMA 7

Reggee Bonoan September 28, 2021 Entertainment, TV & Digital Media

FACT SHEET
ni Reggee Bonoan

TRULILI ba na pagkatapos ng teleseryeng Nina Nino nina Maja Salvador at Noel Comia, Jr. sa TV5 ay lilipat na ang aktres sa GMA 7?

Nakita namin ang post sa Twitter account na Entertainment Uptake @Showbiz_Polls, apat na oras ang nakararaan bago namin ito sulatin ngayong araw: ”BREAKING NEWS: This time it’s official. Maja Salvador will soon make the big leap from TV5 to GMA7 as soon as her primetime teleserye is over. She will joining Eat Bulaga first and will eventually sign with Artist Center where Mr. M. is the head honcho.”

Posible namang mangyari ito dahil nga ang tatay-tatayan ni Maja na si Mr. Johnny Manahan o Mr. M ang consultant ngayon sa GMA Artist Center at puwedeng inialok niya ang aktres sa TAPE, Inc.

Anyway, nagtanong naman kami sa taga-production ng Nina Nino kung may part 3 o Season 3 ang programa pero hindi kami sinagot hanggang matapos naming sulatin ang balitang ito.

Ang Nina Nino ay nasa ikalawang slot na may mataas na ratings sa TV5 pangalawa sa FPJ’s Ang Probinsyano ni Coco Martin.