Robin at Mariel magkahiwalay ng tulugan

KITANG-KITA KO
ni Danny Vibas

MATAGAL na palang ‘di sa iisang kuwarto at iisang kama natutulog sina Robin Padilla at Mariel Rodriguez. 

May lihim na problema na ba ang mag-asawa? Isang araw ba ay mababalitaan na rin natin na sumunod na sila sa anak ni Robin na si Kylie Padilla na hiwalay na si mister nitong si Aljur Abrenica? Hiwalay na! 

Hinarap ni Mariel sa vlog n’ya kamakailan ang intrigang ‘yon tungkol sa kanilang mag-asawa. 

Totoo naman na medyo matagal na silang ‘di natutulog sa isang kuwarto. 

Pero hindi dahil ‘yon sa may iringan silang mag-asawa at may lamat na ang pagsasama nila. 

“People always wonder why we don’t sleep together in the same room. Because right now, mas kailangan pa ako ng kids,” bulalas ni Mrs. Robin Padilla. 

Napaka-hands on palang ina ni Mariel. Ayaw n’yang ang dalawang anak nilang babae ay matulog na ang kapiling sa kuwarto nila ay ang mga yaya nila. 

Maglilimang taon na rin ang panganay na si Isabella at magdadalawang taon na si Gabriela. 

Okey lang naman kay Robin ang ‘di nila pagtulog sa iisang kuwarto. Naniniwala siyang may panahon na babalik sa kuwarto nila si Mariel. 

Pahayag mismo ni Mariel sa kanyang vlog: ”Time will come, I know, nasabi mo nga, na babalik din ako sa ‘yo.”

O, ‘di ba, in love na in love pa rin sa isa’t isa sina Robin at Mariel!