HATAW! D'yaryo ng Bayan hatawtabloid.com
IPINAGMAMALAKI pa ni Anne Curtis, seven months na ang anak niyang si Dahlia. Iyang si Dahlia na yata ang showbiz baby na may pinakamaraming pictures. Kapapanganak pa lang niya lumabas na agad sa social media account ng kanyang mga magulang ang pictures niya.
Hindi ipinagdamot ni Anne at ni Erwan ang picture ng kanilang anak sa fans. Siguro masasabi ngang natural lang iyon dahil maganda ang kanilang anak, at talagang maipagmamalaki nila. Iyong iba naman kaya itinatago ang anak ay dahil hindi maganda.
Pero napapansin namin, sina Anne at Erwan ay hindi kagaya ng ibang mga magulang na siyang nangangarap para sa kanilang mga anak. Nagkukuwento sila tungkol sa kanilang anak pero wala silang nababanggit na ambisyon para roon. Makikita mong gusto nilang bigyan ng kalayaan ang kanilang anak na piliin ang buhay na gusto niya pagdating ng araw.
Basta mahahalata mong masayang-masaya sila sa kanilang baby, at tila pinaghahandaan nila ang bawat buwang dumaan sa buhay niyon. Maiisip mo tuloy, ano kaya ang gagawin nilang celebration kung siya ay one year old na? Tiyak na mas malaking celebration iyan.
Matagal din naman kasi silang naghintay na magka-anak. Matagal na silang kasal pero dahil sobrang busy noon si Anne, na-delay din ang kanilang honeymoon. Noon namang matuloy iyon, siniguro nilang ang kasunod nga ay ang pagkakaroon nila ng anak.
Masuwerteng bata rin naman iyang si Dahlia, dahil natikman niya ang lahat ng pangangalaga ng kanyang mga magulang, at siguro nga suwerte pa siya dahil sa umiiral na pandemic, dahil walang shooting at wala ring taping si Anne, at naaalagaan siya nang husto.
HATAWAN
ni Ed de Leon
