HATAW! D'yaryo ng Bayan hatawtabloid.com
BUMAWI si Pinoy GM Wesley So sa masamang laro sa group stages nang bumuwelta ito sa kanyang dalawang laro sa nakabibilib na pagtatapos nang ilampaso ng United States 2-0 ang Ukraine para lumarga sa semifinals ng FIDE Online Chess Olympiad nung Biyernes ng gabi.
Nilampaso ni 26-year-old So si dating world challenger Vassily Ivanchuk sa French Defense sa loob lamang ng 27 moves at giniba rin niya si Anton Korobov sa 54 moves ng kanilang Queen’s Pawn duel para isulong ang Americans na ilampaso ang kanilang dalawang matches, 4,5-1.5 at 4-2.
Kontra Ivanchuk, na kinapos lang para maging world champion 18 years ago, agresibong naglaro si So kontra sa Ukrainian’s misplayed defense at umangat na lalamang siya ng rook o mapupuwersa ang mate. Nag-resigned si Ivanchuk.
Naglaro ng black kontra Korobov, na nagtataglay ng pinakamataas na rapid rating na 2794 sa manlalaro ng Ukrain at USA lagpas sa rating ni So na 2741. Nakakuha agad si Minnetonka, Minnesota-based World No. 8 ng inisyatibo sa kaagahan ng laro nang makasilo ng pawns at sa kalaunan ay ang panalo.
Sasagupain ng US ang higher-rated Russia sa semis sa Linggo at ang iba pang pairing ay sa pagitan ng India at Poland, ang parehong team na nagpalasap kay So ng unang talo sa torneyo sa Pool D ng Division 1 stage.
