Ang sa Iyo Ay Akin, malakas ang dating

MAINGAY agad ang dating ng bagong teleseryeng handog ng Kapamilya Channel. Ito iyong idinidirehe nina FM Reyes at Avel Sunpongco at pinagbibidahan nina Iza Calzado, Jodi Sta. Maria, Sam Milby, at Maricel Soriano, ang Ang Sa Iyo Ay Akin.

Bakit naman kasi hindi, magagaling ang bida at maganda ang itorya. Lalo siguro itong pag-uusapan kung hindi nawala ang ABS-CBN. Mas madali kasi silang mapapanood kung sa free tv.

Sa unang pag-arangkada nito noong Lunes, exciting na agad ang takbo ng istorya na ipinakita ang pagkakaibigan nina Jodi at Iza. Gayundin ang agad na pagpapakita ng galing sa acting ni Maricel. Mabilis din ang pacing ng istorya kaya hindi nakaiinip.

Kaya nakatitiyak kami na lalo pa itong susubaybayan sa mga susunod na araw dahil agad nakuha ang interest ng tao sa itatakbo pa ng istorya.

SHOWBIG
ni Vir Gonzales