HATAW! D'yaryo ng Bayan hatawtabloid.com
MATAPOS ANG one-liner ni Gladys Guevarra para sa aktres na si Agot Isidro, si former OWWA Deputy Arnell Ignacio naman ang may hugot para sa itinuturing din niyang kaibigang si Agot.
Na napikon sa nai-post ni Jinkee Pacquaio sa His and Hers Hermes Bike nilang mag-asawa.
Say ni Arnell, “In all honestly nalulungkot ako basta nagpopost si Agot nang ganito. At nasasabihan tuloy siya nang masasakit.
“She is one of the nicest people i have worked with. Deep inside gusto ko malaman saan nanggagaling yung poot niya..
“Sana hindi na lang ganun. This makes me really sad. Hindi ko maintindihan kung ano nangyari.
“Natatandaan ko ‘pag kakain kami noon basta may ketchup masaya na yan. Tapos magte-threadmill agad pag sobra kinain..
“Sa taping masaya kasama..minsan lang nairita nung nagka allergy siya dun sa pinasuot sa kanyang wedding gown….. sana nandoon pa rin yung mabait na agot na natatandaan ko.”
Sa kabila ng pandemya, usapang prangkisa at marami pang isyu sa buhay, umariba pa rin kay Arnell ang pagiging business-minded.
Sa pakikipagtulungan sa mister ni Ai Ai delas Alas na si Gerard Sibayan, prente lang itong kumikita sa kanyang Siomai King.
At ngayon naman, nagbukas ang kanyang Sabon Depot na magbebenta siya ng mas murang sabon with Mellany Zembrano and company.
Madaldal kung sa usapang talakayan hahamunin si Arnell. Pero ang paniwala niya, basta makabuluhang usapan, game siya. Kung walang wawa, magne-negosyo na lang siya.
Isang ayaw na ayaw ni Arnell sa tao eh, ‘yung may ugaling paawa effect. Hindi niya talaga papansinin.
HARD TALK!
ni Pilar Mateo
