Aiko, sagana at ‘di nanlilimos ng pagmamahal

MULING napapanood sa ABS-CBN 2 ang mga lumang seryeng Got To Believe, The Legal Wife, 100 Days To Heaven, May Bukas Pa, On The Wings Of Love, at Wilflower. Stop taping muna kasi sila ng FPJ’s Ang Probinsiyano, Love Thy Woman, Pamilya Ko, Make It With You, at A Soldier’s Heart dahil sa Covid-19.

 

Sa Wildflower na pinagbidahan ni Maja Salvador, ay kasama rito si Aiko Melendez bilang si Emilia Ardiente. Si Wendell Ramos ang gumanap na asawa niya, si Raul.

 

Sa serye ay namamalimos ng pagmamahal si Aiko kay Wendell.  Sa sumunod niyang serye after Wildflower, mula naman sa GMA 7 na Primadonnas ay ganoon din ang role niya. Gumaganap siya bilang si Kendra, na katambal ulit si Wendell, bilang si Jaime. Namamalimos din siya ng pagmamahal kay Wendell.

 

Pero natutuwa si Aiko, na sa totoong buhay ay hindi  niya kailangang mamalimos ng pagmamahal.

 

Ipinakikita rin kasi sa kanya ng current boyfriend niyang si Vice Governor Jhay Khonghun ang pagmamahal sa kanya. May Facebook post nga si Aiko kamakailan na ang sabi niya, “Pansin ko lang sa ‘Wildflower’ nanlilimos ako ng pagmamahal as Emilia ke Raul. Sa ‘Primadonnas,’ ganoon din kay Jaime. Buti na lang, sa totoong buhay, natagpuan ko na ang pagmamahal na ‘di kailangang ipilit at mamalimos. Boom!! Ahahaha! Sagana sa pagmamahal ke VG!”

 

Well, sana nga this time ay si VG Jhay na ang maging huling lalaki sa buhay ni Aiko. Natagpuan na nga sana niya ang tamang lalaki para sa kanya. Hindi na sana siya muling lumuha pa sa pag-ibig.

MA at PA
ni Rommel Placente