HATAW! D'yaryo ng Bayan hatawtabloid.com
Nag-message kami kay Rosanna na kasama rin sa Bagman kung bakit wala siya, “may shooting ako ng ‘Unbreakable,’ big scene.”
Sa tanong namin kay Osang kung sino ang mas magaling umarte sa mag-inang Ibyang na kasama niya sa Pamilya Ko o si Arjo na nasa Bagman.
“Si Arjo,” mabilis na sagot sa amin.
Parehong premyadong aktres na ang nagsabi na mas mahusay nga si Arjo sa nanay niya kaya tanggap naman din ng huli ito noon pa.
At sa tanong namin kung gusto ni Sylvia mag-guest sa Bagman ay ang bilis ng sagot niya, “oo gusto ko finale ako papatay kay Arjo, wahh,” natatawang sambit ng aktres.
Oo nga, madulas si Benjo Malaya, eh, hindi mapatay-patay kaya baka siguro ‘pag si Sylvia na ang kinomisyong papatay sa aktor ay baka matuluyan na.
Anyway, kuwento pa ng aktres, “alam mong about politics (istorya ng ‘Bagman’), may patayan pero hindi nagsisigawan, napaka-cool. Iba ang twist, hindi mo mahuhulaan ang kuwento, kung saan-saan ka dinadala na magugulat ka na lang at sasabihin mong, ‘ay ganoon pala ‘yun mae-excite ka.
“Kaya sa lahat ng cast ng ‘Bagman,’ sa crew, sa productions congratulations sa inyong lahat Dreamscape (Digital at Rein Entertainment), sa mga direktor sa lahat hindi ko na kayo iisa-isahin.
“Arjo and Carlo, pangarap ko ito na magsama kayo, heto na nangyari and hindi talaga ako nabigo sa pangarap ko na ‘yun na dalawang aktor na magaling.”
Nagkatotoo ang hiling ni Sylvia, dalawang taon na ang nakararaan na sana magkaroon ng project sina Arjo at Carlo. Nabanggit niya ito habang nagpe-perform ang si Caloy sa opening ng Beautederm clinic nina Ibyang sa Butuan City, 2017.
Nagustuhan ni Sylvia si Carlo at mahusay ding aktor kaya nasabi niya na sana dumating ang panahong makasama ng anak niya at heto na, magtatagisan sila ng galing sa pag-arte sa ‘Bagman 2.’
Sabi nga ni Sylvia, “one down. Gusto ko ring magkaroon ng project sina Arjo at Piolo (Pascual), Arjo at John Lloyd Cruz, Arjo at Jericho Rosales, wish ko lang naman.”
Posibleng lahat ang wish dahil sigurado kami na gusto ring makatrabaho ng mga nabanggit si Benjo Malaya.
FACT SHEET
ni Reggee Bonoan
