HATAW! D'yaryo ng Bayan hatawtabloid.com
ANG daming nalungkot na kasamahan sa panulat na hindi napasama ang horror movie na The Heiress ni Maricel Soriano produced ng Regal Films sa Metro Manila Film Festival 2019 dahil ang daming nag-aabang.
Binago na kasi ng pamunuan ng MMFF na isang genre lang sa walong pelikulang kasama sa MMFF 2019.
Ang horror movie na Sunod ni Carmina Villaroel mula sa Ten17 Productions ang kapalit ng K(Ampon) ni Kris Aquino na disqualified dahil sa pagbabago ng cast nito handog ng Quantum Films at Spring Films.
Going back sa mga nalungkot ay nasanay na kasi na laging kasama ang Regal Films kapag MMFF bukod pa sa masaya kasi kapag may entry sina Mother Lily at Roselle Monteverde at damang-dama iyon ng lahat.
Sa kabilang banda ay blessing in disguise na rin siguro na hindi napasama dahil mas napaaga pa ang showing ng The Heiress, ipalalabas na ito sa Nobyembre 27, inunahan na ang MMFF2019.
Matatandaang ganito rin ang nangyari noon sa pelikula nina Vice Ganda at Coco Martin na hindi nakapasok ang Super Parental Guardians at ipinalabas nila ito ng mas maaga, ang ending, super blockbuster ang pelikula.
Kaya naniniwala kami na may purpose kaya hindi nasama ang The Heiress sa December 25 dahil baka mas suwertihin sa November 27 playdate na pagbibidahan nina Maricel at Janella Salvador na idinirehe naman ni Frasco Mortiz.
FACT SHEET
ni Reggee Bonoan
