DDB kay Duterte: Narco-list ng politiko’t kandidato isapubliko

IGIGIIT ng Dangerus Drugs Board (DDB) kay Pangulong Rodrigo Du­terte na payagan ma­ispubliko ang listahan ng mga politiko o mga kan­didato na sangkot sa ilegal na droga para ma­ging gabay ng mga botante sa pagpili ng mga ilu­luklok sa pu­westo sa 2019 midterm elections.

Ito ang pahayag ka­ha­pon ni Presidential Spokesman Salvador Panelo.

Ang posisyon aniya ng DDB, may karapatan ang mga botante na ma­ba­tid ang pagkatao ng mga kandidato na pipi­liin nilang maging kina­tawan nila si Kongreso o magiging pinuno sa kanilang lugar.

Giit ni Panelo, ang narco-lists na inihanda ng mga awtoridad kasama ang Philippine Drug Enforcement Agency (PDEA) ay hindi imbento kundi batay sa intel­ligence reports na isinai­lalim sa serye ng kom­prehensibong pagtasa.

Makaaasa aniya ang publiko na ang narco-lists ay may kredibilidad at hindi propaganda la­mang para siraan ang mga kandidato.

Wala pa aniyang desisyon si Pangulong Duterte kung babasbasan ang paglabas ng narco-lists.

(ROSE NOVENARIO)