Friday , January 27 2023
500 Peso

3 tulak timbog sa pain na P500 (P.1M shabu kompiskado)

TIMBOG ang tatlong hinihinalang tulak ng ilegal na droga na nakuhaan ng mahigit P.1 milyon halaga ng shabu sa isinagawang P500-buy bust operation ng pulisya sa Malabon City, kamakalawa ng hapon.

Kinilala ni Malabon City police chief Col. Albert Barot ang naarestong mga suspek na sina Romel Villaester, alyas Omi, 33 anyos, residente sa Mangustan Road, Brgy. Potrero; Ricmar Ang, alyas Kulit, 35 anyos, ng Brgy. 120 Caloocan City, at Francisco Cal, alyas Ikoy, 49 anyos, ng Sitio 6, Brgy. Catmon.

Batay sa imbestigasyon ni P/SSgt. Jerry Basungit, dakong 1:30 pm nang magsagawa ang mga operatiba ng Station Drug Enforcement Unit (SDEU) sa pangunguna ni P/Lt. Alexander Dela Cruz ng buy bust operation sa Banana Road kanto ng  University Avenue, Brgy. Potrero.

Nagawang makipagtransaksiyon ng isang undercover police sa mga suspek ng P500 halaga ng droga at nang tanggapin ang marked money mula sa poseur-buyer kapalit ang isang sachet ng shabu agad silang dinamba ng mga operatiba.

Nakompiska sa mga suspek ang halos 15 gramo ng hinihinalang shabu, may standard drug price na P102,000 at buy bust money.

Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002. (ROMMEL SALES)

About Rommel Sales

Check Also

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …

Leave a Reply