Wednesday , February 28 2024

P510-M shabu nasamsam sa Bulacan Chinese national todas sa drug bust

NAPASLANG ang isang Chinese national habang nakompiska ang tinatayang P510-milyong halaga ng hinihinalang shabu sa buy bust operation na ikinasa ng mga awtoridad na nauwi sa enkuwentro sa Warehouse No. 3 Grand SG, Brgy. Borol 2nd, sa bayan ng Balagtas, lalawigan ng Bulacan, nitong Linggo ng hapon, 1 Agosto.

Sa ulat kay P/Col. Lawrence Cajipe, provincial director ng Bulacan Police Provincial Office, nagsagawa ng buy bust operation ang pinagsamang elemento ng PDEA-IIS, PDEA-RO3 Bulacan PO, PDEA-SES, PDEA-NCR, Team AFP JTF Noah, NICA, PNP-DEG NCR, PDEG IFLD, Station Drug Enforcement Unit (SDEU) ng Balagtas MPS, Bulacan Provincial Intelligence Unit PIU, 1st PMFC Bulacan SWAT, RIU-3, RID3, at Bulacan Provincial Drug Enforcement Unit, dakong 5:40 pm, kamakalawa, na nauwi sa enkuwentro at pagkakapaslang sa 50-anyos na Chinese national na kinilalang si Wu Zishen, residente sa Brgy. Santol, sa nabanggit na bayan.

Narekober mula sa suspek ang 75 piraso ng berdeng tea bags ng hinihinalang shabu, tinatayang may timbang na 75 kilo, nasa Dangerous Drug Board (DDB) value na P510,000,000, dalawang cellphones, dalawang ID card, buy bust money, isang Colt .45 pistol, at mga basyo ng bala.

Ayon sa PNP-DEG, isang kilalang importer at distributor ng ilegal na droga sa National Capital Region (NCR), Region 3, at iba pang mga karatig na lugar ang napatay na suspek. (MICKA BAUTISTA)

About Micka Bautista

Check Also

Rapist ng Quezon Province nagtago, nalambat sa Bulacan

Rapist ng Quezon Province nagtago, nalambat sa Bulacan

ISANG pugante na may kasong panggagahasa sa Quezon Province ang nahulog sa kamay ng batas …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Leave a Reply

Your email address will not be published. Required fields are marked *