Monday , November 29 2021

P1.7-M shabu kompiskado sa 2 kelot

NAKOMPISKA ng mga pulis ang P1.7 milyong halaga ng hinihinalang shabu sa dalawang lalaki sa buy-bust operation ng pinagsanib na puwersa ng National Capital Region Police Office (NCRPO), Taguig City Police Station, Philippine Drug Enforcement Group (PDEG), at Philippine Drug Enforcement Agency (PDEA), sa Barangay Lower Bicutan, ng lungsod, nitong Lunes.

Kinilala ni National Capital Region Police Office (NCRPO) chief P/MGen. Vicente Danao, Jr., ang mga suspek na sina Reggie Pariño, alyas Reymark; at Jerry Adriano.

Nahuli ng mga operatiba ang mga suspek nang makipagkita sa Tatay Berting’s Special Pancit Food House, sa Manuel L. Quezon St., Brgy. Lower Bicutan, Taguig City, dakong 2:00 pm nitong Lunes.

Dinakip ang mga suspek nang magpalitan ng pera at ilegal na droga sa nasabing karinderya.

Nasamsam ang nasa 326 pirasong P1,000 boodle money at isang genuine buy bust money at 250 gramo ng shabu.

Pinuri ni NCRPO Chief ang matagumpay na operasyon ng Special Operations Unit-4A  ng NCRPO, PDEG, Station Drug Enforcement Unit ng Taguig CPS, at PDEA.

“Binabati ko po ang ating mga kasama sa matagumpay na pagkakahuli sa dalawang tulak at pagsabat sa malaking halaga ng ilegal na droga sa Taguig. Ang sunod-sunod po nating matagumpay na mga operasyon ay nagpapatunay, sa kabila ng umiiral na pandemya ay hindi tumitigil ang NCRPO sa pagbibigay ng serbisyong tama,” pahayag ni Danao. (JAJA GARCIA)

About Jaja Garcia

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply