Friday , January 27 2023
DDB PDEA
DDB PDEA

PDEA, DDB ‘nalulusutan’ ng Chinese drug dealer

BAKIT lalong nagiging lantaran ang pagkasangkot sa ilegal na droga ng ilang Tsino sa ating bansa? Gaano na sila katagal namamayagpag dito? May koneksiyon ba sila sa pamahalaan?

     Ilan Ito ang mga tanong na inilahad ni Senador Panfilo Lacson nitong Lunes kasabay ng pagsasabing dapat ay mahanapan ng solusyon ng Philippine Drug Enforcement Agency (PDEA) at Dangerous Drugs Board (DDB), kasunod ng mga serye ng operasyon ng Philippine National Police (PNP) laban sa ilegal na droga.

     “Salute to the PNP! More than these successful police operations, the DDB and PDEA should look deeper into the bold and imprudent behavior of these Chinese nationals to choose the Philippines as their base; how long they had been operating; their possible connections in government, etc,” saad ni Lacson, na namuno sa PNP noong 1999 hanggang 2001, sa kanyang Twitter account.

     Si Lacson ang sponsor ng budget ng PDEA, ahensiyang nakikipag-ugnayan sa mga alagad ng batas sa paglaban sa ilegal na droga gayondin sa DDB na bumubuo ng mga polisiya at patakaran sa pag-iwas at pagkontrol sa pagkalat nito.

     Ayon sa PNP, nasa P1.482 bilyong halaga ng pinaghihinalaang methamphetamine hydrochloride (shabu) ang kanilang nasamsam sa anti-illegal drug operations sa Quezon City, Valenzuela City, at Balagtas, Bulacan nitong Linggo, Agosto 1.

     Napatay sa operasyon ang isang Chinese drug suspect na kinilalang Wu Zishen, 50 anyos. Apat pang mga pawang kababayan niya ang naaresto.

     Kinilala ang mga nadakip na sina Willie Lu Tan, Anton Wong, at Wang Min sa operasyon sa Novaliches, Quezon City, nakuhanan ng 127 kilo ng shabu, ay halagang P863.6 milyon.

     Sa operasyon sa Valenzuela City, nasakote ang isang Joseph Dy at narekober ng mga awtoridad ang 16 kilo ng shabu na nagkakahalaga ng P108.8 milyon.

     Humantong sa pagkakapatay kay Wu ang isa pang operasyon sa Bulacan at nakuha ang 75 kilo ng shabu na may halagang P510 milyon. (NIÑO ACLAN)

About hataw tabloid

Check Also

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …

Leave a Reply