Sunday , December 5 2021

Tulak todas sa enkuwentro
10 drug suspects nasakote

BINAWIAN ng buhay ang isang tulak samantalang nadakip ang 10 pang personalidad sa droga sa pagpapatuloy ng opera­syon ng pulisya laban sa krimen sa lalawigan ng Bulacan.

Batay sa ulat na ipinadala kay P/Col. Lawrence Cajipe, provincial director ng Bulacan PPO, kinilala ang napatay na suspek na si Tony Cabas, residente sa Brgy. Addition Hills, lungsod ng Man­daluyong.

Napag-alaman ang mga operatiba ng SOU3 PNP-DEG, sa pakikipag-ugnayan sa Marilao Municipal Police Station (MPS), ay nagkasa ng  buybust operation sa Brgy. Sta. Rosa 2, Marilao, na nagresulta sa enkuwentro at pagkakapaslang kay Tony Cabas.

Narekober mula sa napatay na suspek ang isang plastic bag na naglalaman ng hinihinalang shabu na may bigat na 50 gramo, isang large-sized ng selyadong plastic bag ng hinihinalang shabu na tumitimbang ng 500 gramo; baril at mga bala, at isang sobreng na naglalaman ng boodle money.

Kasunod nito, pinag­dadampot rin ang 10 pang drug suspects na kinilalang sina Jomar Sayo alyas Oma; Jerry Guinto, Jr. alyas Akira; Christian Se; Christian Paulo Cruz; Christian Peter Cruz; Arnold Borile; Xarex Sarmiento; Jake Rodriguez; Princess Morado; at Crisan­to Alba, sa serye ng mga anti-illegal drugs operations ng Balagtas, Marilao, Meycauayan, Pulilan at San Miguel police stations.

Nasamsam sa mga suspek ang 45 pakete ng hinihinalang shabu at buybust money.

 (MICKA BAUTISTA) 

About Micka Bautista

Check Also

Quezon Province

2021 annual budget ng probinsiya
9 BOKAL NG QUEZON MAY AMBANG PLUNDER VS GOV. SUAREZ, et al

MAGHAHARAP ng kasong plunder o pandarambong ang siyam na miyembro ng Sangguniang Panlalawigan ng Quezon …

120321 Hataw Frontpage

Tuluyang pagbagsak inaasahan
2 ARAW WALANG BAGONG COVID-19 PATIENT SA PGH

MAY banta man ng bagong variant na Omicron, iniulat ngayong Biyernes ng Philippine General Hospital …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

3 rapists, 18 pasaway nasakote sa Bulacan

NASUKOL ang kabuuang 21 katao kabilang ang tatlong hinihinalang rapist sa iba’t ibang operasyong ikinasa …

Huli sa aktong nagka-Cuajo
4 SUGAROL TIMBOG SA TARLAC

ARESTADO ang apat katao nang mahuli sa akto ng mga awtoridad habang nasa kainitan ng …

Leave a Reply