Tuesday , February 7 2023
DANIEL FERNANDO Bulacan

Proyektong ‘swine repopulation’ ipatutupad sa Bulacan

MATAPOS ang dalawang taong pamemeste ng African Swine Fever (ASF) na naging sanhi ng pagkamatay ng mga baboy mula noong 2019 hanggang 2020, nakakakita na ng pag-asa ang may 7,000 nag-aalalaga ng baboy sa lalawigan ng Bulacan sa paglulunsad ng pama­halaang panlalawigan ng Swine Repopulation Project.

Sinabi ni Gobernador Daniel R. Fernando, nag­simula na ang Panla­lawigang Tanggapan ng Paghahayupan ng pag­susuri sa kapaligiran at sampol ng tubig nitong Hunyo upang makita kung may ASF virus pa sa mga farm.

“Guided by the Bantay ASF sa Barangay or BABay ASF program, we need to control the spread of the disease and push for the rehabilitation of our local hog industry. Layunin nito na makatulong sa mga pig farmers na makabalik sa pag-aalaga ng baboy ng ligtas at magkaroon ng responsible repopulation para makaiwas muli sa outbreak,” ani Fernando.

Ayon sa datos ng PVO, 17 mga bayan kabilang ang Balagtas, Baliwag, Bula­kan, Calumpit, Angat, Bocaue, Bustos, Guiguinto, Hagonoy, Pandi, Paombong, Plaridel, Pulilan, San Ildefonso, San Miguel, San Rafael, at lungsod ng Malolos ang lubhang naapektohan kung saan 120,268 baboy mula sa 40 commercial hog farms at 87,743 baboy mula sa backyard farms ang pinatay.

“Noon nasa 100,000 na baboy kada buwan ang nabebenta natin, ngayon nasa more or less 10,000 na lang. Dati rin 50 porsiyento ng panga­ngailangan ng karne sa Metro Manila tayo ang nagdadala kaya nakita n’yo hindi talaga maka­pagbaba ng presyo ng baboy kasi hindi pa talaga tayo makapag-produce,” dagdag ni Fernando.

Samantala, sinabi ni Dr. Voltaire Basinang, panla­lawigang beterinaryo, maaari nang mag-alaga muli ng baboy ang mga benepisaryo ng programang sentinel bilang ayuda ng pamahalaan kung magnenegatibo sa ASF virus sa dalawang magkasunod na pagsusuri sa loob ng dalawang linggo na may isang linggong pagitan at pumasa sa biosecurity audit ang isang farm.

Bukod dito, patuloy din silang nagsasagawa ng seminar/forum at pama­mahagi ng impormasyon, habang tuloy-tuloy din ang paglilinis at pagdidisinfect ng mga nagbababuyan.

Upang maging kalipi­ka­­do naman sa programang pautang, inirerekomenda ng tanggapan ng pag­haha­yupan sa mga magbababoy na nasa loob ng red zone na hindi apektado ng ASF mula nang magkaroon ng outbreak, na sundin ang mga alituntuinin at magsagawa ng pagkuha ng sample ng dugo at swab sa mga natitirang baboy na kailangang gawin ng may pagitan ng dalawang linggo at pagsusuri sa paligid at tubig na kailangang gawin ng may pagitan ng isang linggo, at pagpasa sa biosecurity level 2 bilang pagtalima sa BABay ASF.

Gayundin, ilulunsad ang adopt-a-barangay project, na kolaborasyon mula sa iba’t ibang pribadong grupo at mga beterinaryo sa pangunguna ng Philippine Veterinary Drug Association (PVDA) at PVO kaugnay ng BABay ASF na layong pumili ng tatlong barangay sa bayan ng Sta. Maria mula sa pula hanggang rosas na zone sa pamamagitan ng pagpa­paunlad ng biosecurity sa mga kulungan ng baboy, pagtuturo sa mga mag­bababoy sa pamamagitan ng mga pagsasanay at pakikilahok at pakiki­pagtulungan ng mga stakeholder, maliit man o malaking babuyan.

Ayon sa World Organization for Animal Health (OIE), lubhang nakahahawa ang African Swine Fever (ASF) sa domestic at wild pigs na dulot ng “malaking DNA virus ng Asfarviridae family.”

Sa kasalukuyan, wala pa ring bakuna laban sa ASF. (MICKA BAUTISTA)

About Micka Bautista

Check Also

Illegal mining ops sa Sibuyan ipinatigil 2

Sa marahas na police dispersal sa Sibuyan
2 KALAHOK SA HUMAN BARRICADE VS ILLEGAL MINING SUGATAN

SUGATAN ang dalawang lumahok sa barikada kontra ilegal na pagmimina na binuo ng mga residente …

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …

Bulacan Blas Ople Daniel Fernando Alexis Castro Toots Ople

Sa kanyang ika-96 kaarawan
GAT BLAS F. OPLE MULING GINUNITA SA MGA MENSAHENG TAGOS MULA SA PUSO

“HUWAG mahalin ang posisyon kundi ang tao, at laging mahalin ang bansa bago ang sarili.” …

Bulacan Blas Ople Job

Alay sa mga Bulakenyo
JOB FAIR, MEDICAL MISSION IDINAOS BILANG PARANGAL SA ARAW NI GAT BLAS OPLE

BILANG bahagi ng pagpupugay sa ika-96 anibersaryo ng kapanganakan ni Gat Blas F. Ople, nagsagawa …

Leave a Reply