HATAW! D'yaryo ng Bayan hatawtabloid.com
GOODBYE na sa pagka-binata si Luis Alandy sa susunod na buwan dahil ikakasal na siya sa kanyang non-showbiz girlfriend na si Giselle Fernandez sa Pebrero 17 at kahit na dalawang taon pa lang ang relasyon nila ay nasabi na ng aktor na ‘she’s the one’ kaya bakit kailangang patagalin pa.
Kuwento ni Luis sa presscon ng Swipe mula sa Viva Films, Allud Entertainment, at Ledge Films na idinirehe naman ni Ed Lejano, ”Very cliché, pero ‘yung hinahanap ko talaga na parang someone to be with, siya, eh. Very good family values, sobrang bait niya rin, so siya na talaga.”
Hindi naging balakid sa kanilang relasyon ang malaking agwat ng edad nila dahil 23 years old palang si Giselle at 37 naman ang aktor.
“Nagja-jive kami in terms of everything, sa ugali, hobbies, ‘yung likes and dislikes namin, almost the same,” kuwento ng aktor.
Nagustuhan pa raw ni Luis kay Giselle ang, “her family is very artistic din. Biruin mo, saan ka makakakita, ‘di ba, ‘yung ginawa ko na film two years ago, ‘yung ‘Anino sa Likod ng Buwan’, it was very controversial because of the nudity and the sex scenes, biruin mo buong family sila, nanood sila. Pinanood niya muna, then she recommended it to her whole family na panoorin, nanood silang lahat.
“Very supportive and alam naman niya na ito ang work ko for how many years and she knows naman that I’m responsible to accept or to do films na hindi lang ‘yung basta-basta na (maghuhubad). Alam niya na namimili ako, she knows how artistic my goals are.”
Anyway, sa gaganaping kasal nina Luis at Giselle ay isang garden wedding sa Tagaytay City at malalapit na kaibigan at pamilya lang daw ang imbitado.
Wala pang plano kung saan sila magha-honeymood dahil marami pa siyang tatapusing show at pelikula sa ABS-CBN at maging sa pagbuo ng baby ay hindi pa rin nakaplano kasi gusto muna nilang mag-travel na silang mag-asawa muna.
”Enjoy muna kami. If we are blessed by God na magkaroon (ng anak agad), siyempre, tatanggapin namin but ang initial plan talaga namin is to enjoy each other first, maybe travel siguro together, kasi she loves travelling.”
Bukod kay Luis, kasama rin sa Swipe si Meg Imperial na bida ng pelikula at sina Maria Isabel Lopez, Gabby Eigenmann, at Mercedes Cabral na mapapanood na sa Pebrero 1.
FACT SHEET – Reggee Bonoan
