NAGDULOT ng tensiyon sa mga residente at sa katabing bahay-ampunan ang sunog sa bunkhouse na nagsisilbing barracks ng towing and trucking company sa Sta. Ana, Maynila, kahapon ng madaling araw. Nabatid mula sa Manila Fire Department, dakong 6:05 am nang magsimula ang sunog na umabot sa 1st Alarm at ganap na naapula 6:34 am. Partikular na nasunog ang 10 silid ng bunkhouse na container van at kahoy, tinutuluyan ng mga trabahador ng C.B. Barangay Enterprises Towing and Trucking Services Inc. sa Sagrada Pamilya St., pag-aari ng isang Cecilia Barangay, nagpaparenta ng traktora, forklift at iba pang makinarya. Nag-overheat na electric fan ang sanhi ng sunog, na nasa ikalawang palapag ng bunkhouse, ayon sa MFD. Hindi nasunog ang kalapit na Missionaries of the Poor, kumakalinga sa mga batang may cerebral palsy at matatandang inabandona pero nataranta sa paglilikas gamit ang mga wheelchair dahil sa kapal ng usok. Walang naiulat na nasaktan o nasugatan sa insidente. (LEONARD BASILIO)
Check Also
Manigong Bagong Taon: Pamamahagi ng New Year Food Packs para sa mga kawani ng Legislative Security Bureau
QUEZON CITY — Sa patuloy na diwa ng malasakit at bayanihan, pinangunahan ni Cong. Brian …
Estudyanteng Pinay na ginamit para sa extortion laban sa isang negosyante nagpasaklolo sa NBI
HUMINGI ng saklolo sa National Bureau of Investigation (NBI) ang isang 18-anyos estudyanteng Pinay kasama …
Bagong Estate Tax bill ni Salceda suportado ng Cebu City Council
Suportado at isinusulong ng Cebu City Council (Sangguniang Panglungsod) ang House Bill No. 6553 ni …
Solar Philippines company hindi nag-click sa bansa
ISINISI ng isang network ng digital advocates sa mga kapalpakan ng isang kompanyang pag-aari ng …
P43.4-M hinihinalang cocaine nasabat ng BoC sa NAIA-T3
NAKOMPISKA ng Bureau of Customs (BoC) ang hinihinalang cocaine na tinatayang P43 milyon ang halaga …
HATAW! D'yaryo ng Bayan hatawtabloid.com