HATAW! D'yaryo ng Bayan hatawtabloid.com
WALA kapwa sina Coco Martin at Julia Montes sa nakaraang Star Ball na na rati’y taon-taon naman ay present sila.
Hindi na kasi Star Magic talent si Julia kaya obviously, hindi na niya kailangang dumalo dahil baka hindi naman siya inimbitahan lalo’t wala rin si Coco na date sana niya noong gabi.
Hindi rin nakarating si Coco sa PMPC Star Awards for TV para personal na tanggapin ang tropeo para sa napanalunang Best Drama Actor para sa seryeng FPJ’s Ang Probinsyano, kaya si Ms. Dagang Vilbar na isa sa program manager ng Dreamscape Entertainment ang tumanggap para sa aktor.
Paliwanag ni Ms. Dagang noong makita namin siya sa hallway ng Novotel Hotel kasama si direk Manny Palo kaya wala si Coco sa Star Magic ball.
“Nagte-taping ng ‘Probinsyano’, naghahabol nga sila kaya wala, kita mo ngayon, wala rin siya. Kaya ako ang narito,” sabi sa amin.
Hirit namin kung bakit wala rin si Julia at kung bakit wala na sa Star Magic? “Ay wala po akong alam, hindi ko masasagot ‘yan,” nakangiting sagot ulit sa amin.
At kaya wala naman si Coco sa Star Awards ay dahil nagso-shooting naman ng pelikula nila ni Vice Ganda, kuwento mismo sa amin ni Deo T. Endrinal nang tanungin namin sa presscon ng Ikaw Lang Ang Iibigin.
“Naghahabol kasi sila ng pelikula ni Vice, ito ‘yung pang Metro Manila Film Festival, so kailangang matapos na,” sabi sa amin.
Tinanong din namin kung totoong wala na rin sa Star Magic si Coco.
“Ay hindi ko alam, alam ko nandoon pa rin, si Biboy (Arboleda) ang tanungin mo siyempre siya ang manager ni Coco, wala akong alam d’yan.
“Basta ang alam ko, kaya wala si Coco sa Star Magic ball, may taping ng ‘Probinsyano’, at kaya wala rin sa Star Awards, may shooting sila ni Vice,” diin sa amin ng TV executive
FACT SHEET – Reggee Bonoan
