4 adik utas sa drug ops sa pot session (Pulis sugatan)

PATAY ang apat hinihinalang adik sa droga nang lumaban sa mga awtoridad makaraan maaktohan habang nagpa-pot sesstion sa Malate, Maynila kahapon ng madaling-araw.

Hindi pa nakikilala ang mga napatay na tinatayang may gulang na 25 hanggang 30-anyos at may mga tattoo sa kanilang katawan.

Samantala, masuwerteng nasaktan lamang at nakaligtas sa tiyak na kamatayan si Arellano Police Community Precinct (PCP) chief, Chief Inspector Paulito Sabulao, nabaril sa dibdib ngunit nakasuot ng bullet proof vest, habang nilalapatan ng lunas sa Ospital ng Maynila ang kanyang tauhan na si PO1 Bruno Arucod, tinamaan ng bala sa kaliwang kili-kili.

Batay sa ulat ni Supt. Romeo Odrada, station commander ng Manila Police District (MPD)-Station 9 (Malate), dakong 2:10 am nang maaktohan ng mga pulis ang mga suspek habang nagpa-pot session sa parking lot ng Arellano Avenue, kanto ng Don Pedro St., sa Malate ngunit nakipagpalitan ng putok sa mga awtoridad na nagresulta sa kanilang pagkamatay.

( LEONARD BASILIO )