Baby Go, Chairman of the Board sa Mister United Continents

NAGING Chairman of the Board ang lady boss ng BG Productions International na si Ms. Baby Go sa Mister United Continents 2016 na ginanap sa Tanghalang Pasigueño last July 22, 2016. Kasama bilang judges ang mga taga-BG Productions na sina Dennis Evangelista, Romeo Lindain, at Direk Neal ‘Buboy’ Tan.

Naglaban-laban ang mga finalist sa iba’t ibang bansa kabilang ang Pilipinas, Canada, Malaysia, United Kingdom, Thailand, Vietnam, India, Myanmar at iba pa. Itinanghal na 2016 Mister Continents si Mohit Singh ng India. Siya’y isang electronics and communications engineer. Graduate siya sa YMCA University of Science and Technology sa Faribadad sa Haryana, India. Ang iba pang nanalo ay sina Mark Redfearn mula United Kingdom (first runner-up,) Vo Hoang Tuan ng Vietnam (second runner-up), Thu Ra Nyi Nyi mula Myanmar (third runner up), Peter Jovic ng Thailand (fourth runner up), at Kian Siok Chin mula Borneo (fifth runner up). Wagi naman si Le Ngo Bao ng Vietnam bilang 2016 Master United Continents.

Sa larawan ay kasama ni Ms. Baby sina Mr. India at Mr. Philippines. Kuha ito sa kanyang art gallery sa Lee Garden Building, Shaw Blvd., Mandaluyong City.  (M.V.N.)