Maja, keri ang pagiging babaeng bakla

BABAENG bakla si Maja Salvador  sa Tatay Kong Sexy na walang keber kung okrayin at talakan si Senator Jinggoy Estrada. Natatawa na lang kami ‘pag tinatawag niyang tatang si Sen. Jinggoy. Ilang beses kaming napatawa ng dalawa sa mga eksena na hindi trying hard ang dating. Character si Maja at natural naman ang acting ni Sen. Jinggoy. Havey ang mga punchline nila. Hindi pilit ‘pag humirit si Sen. Jinggoy lalo na ‘pag nanlait kaya mapapatawa ka.

Feeling happy at aliw kami sa Tatay Kong Sexy pagkatapos namin itong mapanood.

Hindi nakahihiyang irekomenda sa mga moviegoer ang idinirehe ni Joey Reyesdahil akma sa Father’s Day ang pelikula. Naitawid niya ang kuwento na gustong iparating sa mga manonood. Bagamat simple lang ay may leksiyon at kurot sa puso.

First movie rin ito nina Dominic Roque at Jolo Revilla pero pasado sila sa amin.

Normal ‘yung sagutan nilang mag-ama noong magdala ng babae sa kuwarto si Jolo sa katauhan ni Nathalie Hart.

Hindi rin nagpakabog si Empress Schuck kay Maja sa galing umarte.

Showing na sa June 1 ang Tatay Kong Sexy. May premiere night ngayong gabi, May 31, 7:00 p.m. sa SM Manila Cinema 6. Kasama rin sa pelikula sina Bayani Agbayani, Maliksi Morales, Vangie Labalan, at Beauty Gonzales. Last movie rin ito ng yumaong  Mark Gil.

Talbog!

TALBOG – Roldan Castro