HATAW! D'yaryo ng Bayan hatawtabloid.com
A manager like no other.
Kapag binanggit mo ang Artista Salon, ang maiisip mo na ay ang nagpalaganap nito na si Gio Anthony Medina na nakilala rin bilang manager ng namayagpag sa Baker King na produkto ng Artista Academy na si Mark Neumann sa TV5.
Nilinaw naman sa amin ni Gio na walang anumang away sa kanila ng alaga dahil nagpaalam naman ito sa kanya nang nagdesisyong mag-sarili muna.
Hindi naman inaalis ni Gio na kasama ang bugso ng galit sa simula dahil nga may mga plano at desisyon sila para sa karera ng binata na medyo nadiskaril pero matapos naman daw ang ilang pagkakataon eh, na-plantsa nila ang lahat.
Kaya ang mga transaksiyon pagdating sa trabaho ng binata eh, sa kanya pa rin naman dumaraan at isinasangguni.
May pagkakataon nga raw na hindi maiaalis na ma-miss niya ang binatang sa kanya na nanahan. Pero maski na sinubok ang pagiging pamilya nila, alam ni Gio na hindi na mawawala ang patuloy na pag-gabay niya rito.
Kaya sana rin naman daw eh, huwag nang dagdagan pa ng mga walang kuwentang kuwento ang kagyat nilang paghihiwalay.
Ng bahay!
HARDTALK – Pilar Mateo
