Mukha ni Sunshine Cruz nilait

SHOWBIZ KONEK
ni Maricris Valdez

BINUWELTAHAN ni Sunshine Cruz ang isang netizen na nanlait sa kanyang mukha at hitsura. 

Sinabihan ng netizen ang aktres na hindi pantay at tabingi na ang mukha nito.

“Pag talaga botox maganda kaso parang hindi na nagpapantay ang mukha. Tumatabingi na,” comment ng netizen sa Facebook post ni Sunshine kasama ang screenshot ng mga  komento ng ilang FB users patungkol sa kanyang mukha.

“I have Myasthenia Gravis kaya madalas bagsak half of my face po,” pagtatanggol ni Sunshine sa sarili.

Ang myasthenia gravis ay isang chronic autoimmune disorder na nagdudulot ng panghihina ng skeletal muscles.

“Ladies, there is so much power in uplifting one another. Attacking someone’s appearance says more about your character than it does about theirs.

“You never truly know the battles people are fighting whether it’s mental health or physical illness.

“I’ve been open about my journey with Myasthenia Gravis, and it’s the main reason I’ve stepped back from projects,” paalala ni Sunshine sa publiko lalo sa lahat ng mga kababaihan.

Iginiit din ng aktres na tigilan na ang pambabastos sa kapwa.