HATAW! D'yaryo ng Bayan hatawtabloid.com
MA at PA
ni Rommel Placente
SA isang interview ni Dustin Yu, tinanong siya kung sino ang pinaka- close sa kanya noonh naging housemate siya sa Bahay Ni Kuya?
Ang sagot niya, “Ang pinaka-close ko, si Bianca (de Vera) talaga.
“Siya ‘yung talagang tunay kong naging kaibigan.
“Siya ‘yung lagi kong kasama sa Bahay ni Kuya kaya lagi kaming nino-nominate,” natatawang sabi ni Dustin.
Maraming nagsasabi na may something na talaga kina Dustin at Bianca. Katibayan na nga nang ipakilala nila ang isa’t isa sa kani-kanilang pamilya.
Ano na nga ba talaga ang status ng relasyon nila ni Bianca?
“Friends,” sagot ni Dustin.
Sundot na tanong sa binata, kung anong level na ng frienship mayroon sila ni Bianca?
Sagot ni Dustin, “‘Yung pinakamataas na level.”
Dugtong pa niya, “Happy ako ‘pag kasama ko siya.”
Aminado naman si Dustin na crush niya noon pa si Ivana Alawi. Pero kung papipiliin siya between Bianca and Ivana, mas pipiliin niya ang huli.
Crush niya lang kasi si Ivana, pero mas attracted siya kay Bianca.
“Nakaka-attract naman kasi talaga si Bianca,” lahad pa niya.
Siguradong magbubunyi sa galak ang mga faney nina Dustin at Bianca dahil sa sinabing ito ni Dustin.
