HATAW! D'yaryo ng Bayan hatawtabloid.com
RATED R
ni Rommel Gonzales
CONTROVERSIAL issue ngayon ang pagtawag ng “Ma’am” at “Sir” sa mga LGBTQI+ community (gays and lesbians), ano ang opinyon ni DJ Jhai Ho tungkol dito?
“Ako po naniniwala na parang lahat naman po ay kanya-kanyang opinyon,” umpisang sinabi ng comedian/host, “pero ako po ay… dahil ako po ang tinatanong, hindi po issue sa akin ang tawagin akong ma’am or sir.
“The fact po kasi… naniniwala po ako na the fact na tinawag akong sir, ito po ay ginamit na itawag sa ‘yo as paggalang pa rin naman po.
“Sa mga estudyante ko po noong nagturo ako sa Lyceum, sinabi ko po agad-agad ‘yan, ‘Huwag kayong mataranta or matakot akong tawaging sir.’
“Kasi okay lang din naman sa akin kahit na kuya, kahit anong itawag, wala pong problem sa akin.
“But I do understand where my co-LGBTQI+ community is coming from po, kapag sila po ay very sensitive pagdating sa bagay na ‘yan, kasi iba-iba po ‘yung paniniwala ng bawat tao, iba-iba po ‘yung kanilang tingin sa ganitong usapin, kaya po nirerespeto ko lang din po sila at ‘yung iba pa pong nagsasabi ng mga opinyon nila.
“Ang importante lang talaga po dapat ay maging kind tayo, ang respect each other po, roon pa lang po okay na po ‘yun sa akin.”
Latest addition si DJ Jhai Ho (at Pauline Mendoza) sa mga artist ng All Access to Artists o Triple A nina Jacqui Cara (Head of Operations and Sales), Michael Tuviera (CEO and President), at Jojo Oconer (COO and Chief Financial Officer).
