HATAW! D'yaryo ng Bayan hatawtabloid.com
ALAM MO NA!
ni Nonie Nicasio
UNANG sabak ni Andrew Gan sa taping ng TV series na “Sanggang Dikit FR” ng GMA-7 na tinatampukan nina Dennis Trillo at Jennylyn Mercado, nang nakahuntahan namin ang aktor via FB.
Matipid na bungad niya sa amin, “Opo, day one ko ngayon.”
Aniya pa, “Bad guy ako rito tito, bad guy ang role ko, Niknok name ng character ko. Yes po, kalaban ako rito nina Dennis, na first time kong makatrabaho.
“Although sina Dennis and Kiel (co-actor and kasama sa larawan) ay nakakalaro ko naman sa basketball. Pero first time ka-work po rito, at isang malaking karangalan na maka-work si MMFF Best actor, hehehe.”
Ano ang masasabi niya kay Dennis? “Generous actor siya, masarap kaeksena at hindi madamot si Dennis.”
Enjoy ba siyang gumanap na bad guy dahil challenging o mas gusto niya ang good guy na role?
Esplika ni Andrew, Both naman tito, na-eenjoy ko. And kung ano ibigay sa akin lagi ko namang ibinibigay ang 100 percent ko. Pero mas nae-enjoy ko kapag bad guy ang role, kasi mas malawak iyong range na puwedeng gawin sa character”
May technique ba siyang sinusunod kapag kontrabida ang kanyang role?
Aniya, “Wala naman akong technique na sinusunod, tito. Depende sa sasabihin ng director, then from there, magdadagdag na lang ako ng flavors.”
“Grateful po ako sa GMA-7, kasi so far ay sa mga malalaking show ako naica-cast kahit hindi naman ako in-house. Kaya sobrang grateful po… naging part ako ng “Royal Blood” with Dingdong (Dantes), “Black Rider” and itong Sanggang Dikit. Nataon po na puro primetime pa,” masayang sambit pa ni Andrew.
