HATAW! D'yaryo ng Bayan hatawtabloid.com
ALAM MO NA!
ni Nonie Nicasio
Si Sahara Bernales ang isa sa mapapanood sa pelikulang “The Marianas Web” na pinagbibidahan ng Filipino-Italian actor/director na si Ruben Soriquez.
Ito bale ang unang pelikula talaga ni Sahara bago pa siya napanood sa mga sexy genre ng Vivamax and VMX at naging talent ni Jojo Veloso. Naalala namin na isa si Sahara sa present nang nagpa-audition si Direk Ruben noong 2022 para sa project na ito.
Ayon kay Sahara, after ng ilang months mula nang siya ay nag-audition, nagulat siya nang ipatawag para sa pelikulang ito.
Aniya, “Sabi sa akin after ng audition, co-contact-in na lang daw ako, madalas kasi ganoon ang sinasabi hindi ba? Kaya akala ko wala na iyon. Pero after seven months yata, nakipagkita sa akin si direk Ruben at pina-sign niya ako ng contract.
“Noong mga time na iyon, akala ko ay raket-raket lang iyon at hindi ko ine-expect na ipalalabas pala iyon sa mga sinehan.
“Alam ko na movie ito, pero akala ko sa mga apps lang ipalalabas. Hindi ko in-expect na sa cinema pala at pati sa international ay ire release ito.”
Nabanggit niya ang role sa kakaibang sci-fi/horror thriller movie na ito.
“Kakaiba po ang role ko rito, compared sa mga napapanood sa akin sa VMX. Dito ang role ko ay strong personality ako rito. So. Mamamatay tao ako rito, ako ‘yung killer sa movie. Hindi katulad sa mga usual na napapanood sa akin sa VMX na sweet girl o probinsiyana. Dito po ay kakaiba talaga, kaya watch n’yo po ang movie namin.”
Pahabol ni Sahara, “Actually dalawang role ang pinagpipilian ni Direk Ruben para sa akin, iyong killer or si Mariana.”
Bukod kina Ruben at Sahara, tampok dito sina Alexa Ocampo, Asia Galeotti, Luca Biagini, Andrea Dugoni, at iba pa. Mula sa pamamahala ng Italian director na si Marco Calvise, palabas na ang pelikula sa mga sinehan, ngayong October 15.
