Atty Rey ng Innervoices advocacy na tumulong sa mga musikero

RATED R
ni Rommel Gonzales

MAHUSAY na abogado, keyboardist, at singer na ngayong September 25 ay kaarawan ni Atty. Rey Bergado ng grupong Innervoices.

At bilang lider ng grupo, nakabibilib ang adbokasiya ni Atty. Rey.

Aniya, “My advocacy is to help musicians talaga.

“I’m not here para sa sarili ko. Kasi coming from the industry, when I was really young and in college gusto ko ring tumulong.”

Isa sa mga natulungan ni Atty. Rey ay ang bagong bokalista ng Innervoices na si Patrick Marcelino.

Bukod kay Patrick, matulungin din si Atty. Rey sa mga songwriter o composer.

Kapag may mga isinulat na awitin ang mga ito na hindi agad mai-record at mai-release ay tumutulong si Atty. Rey sa pamamagitan ng pagre-record ng Innervoices sa mga naturang kanta.

Pito ang  mga bagong kanta na original songs ng Innervoices; ang Meant To Be na nilikha ni Atty. Rey, at ang “Idlip, Galaw, T. H. A. L. (Tubig, Hangin, Apoy, Lupa), Saksi Ang Mga Tala, Handa Na Kitang Mahalin, at ang Sayaw Sa Ilalim Ng Buwan na likha naman ng iba-ibang songwriters.    

Bukod sa regular nilang gig sa Aromata sa Sct. Lazcano sa QC. at sa Noctos Bar ay napapanood din ang Innervoices sa Hard Rock Café sa Ayala sa Makati at Hard Rock Café Manila sa loob ng Conrad Hotel sa SM Mall of Asia.

Ang iba pang miyembro ng Innervoices ay sina Joseph Cruz (keyboard), Joseph Esparrago (drum), Alvin Hebron (bass), at Rene Tecson (lead guitar).

Happy birthday, Atty. Rey! We wish you good health, long life, prosperity and more and more music para marami kaming patuloy na napapasaya niyo ng Innervoices.