HATAW! D'yaryo ng Bayan hatawtabloid.com
I-FLEX
ni Jun Nardo
WALANG umaamin kina Julia Barretto at Gerald Anderson kung hiwalay na sila.
Pero sa social media, naglalabasana ang posts na may iba na silang relasyon kahit walang pag-aming nanggaling sa dalawa.
Si Gerald, sa volleyball player na si Vannie Gandler inuugnay. Si Julia, sa negosyateng si Lucas Lorenzo na brother in law ng kapatid niyang si Claudia Barretto na kapatid din ng asawa ng aktres na si Erich Gonzales.
Naku, alam naman ninyo ang netizens ngayon. Halos wala ka nang maitago sa kanila.
At dahil wala tayong naririnig mula kina Gerald at Julia, ang kani-kanilang management ang naglabas ng statement.
Kinompirma ng Star Magic at Viva Artists Agency na hiwalay na nga sina Gerald at Julia pagkaraan ng apat na taong relasyon.
Hiling nila sa publiko na irespeto ang desisyon ng dalawa at itigil na ang pagkakabit o pagkakalat ng mga maling balita.
