HATAW! D'yaryo ng Bayan hatawtabloid.com
MULING umiskor ang kapulisan sa Police Regional Office 3 nang maaresto ang dalawang dayuhan at isang Filipino na nagtangkang mangikil sa isa ring dayuhan at masamsaman pa ng mga iligal na droga sa operasyong isinagawa sa Mabalacat City, Pampanga kamakalawa.
Kinilala ang mga naarestong suspek na sina alay “Jo” at alyas “Kim”, kapuwa Korean nationals; at alyas “Tabon”, isang Pinoy, na naaresto sa ikinasang entrapment operation sa loob ng Cafe and Restaurant sa Clark Freeport Zone sa Mabalacat City.
Ang mga suspek ay inaresto ng mga operatiba matapos maaktuhang nangingikil ng PhP4.4 million mula sa isa ring Korean national na kanilang bibiktimahin.
Nakumpiska mula sa mga suspek ang 50 gramo ng shabu na may halagang PhP340, 000.00; 50 tablets ng ecstacy na may halagang PhP85, 000.00; 53 gramo ng cocaine na may halagang PhP265, 000.00; at vape marijuana na may halagang PhP13, 500.00.
Narekober din sa operasyon ang isang caliber Glock pistol na kargado ng bala, boodle money; iba’t-ibang gadgets at mga IDs ng mga suspek.
Kaugnay nito ay ipinahayag ni PBGeneral Ponce Rogelio I. Peñones Jr., regional director ng PRO3, na ito nagpapatunay sa paninindigan ng kapulisan sa rehiyon na tugisin ang mga kriminal, dayuhan man o hindi, para maprotektahan ang mga komunidad. (MICKA BAUTISTA)
