HATAW! D'yaryo ng Bayan hatawtabloid.com
RATED R
ni Rommel Gonzales
MULING mapapanood sa Pilipinas ang klasikong pelikula ni Phillip Salvador, ang Jaguar na obra ng direktor na National Artist for Film na si Lino Brocka.
Ipinalabas noong 1979, lumikha ng kasaysayan ang Jaguar dahil ito ang unang pelikulang Filipino na na-nominate sa prestihiyosong Palme d’Or sa 1980 Cannes Film Festival.
Ang pelikula ay ukol kay Poldo, isang security guard na nasangkot sa isang krimen habang pinoprotektahan ang isang mayamang playboy, habang hinaharap ang “moral dilemmas and tragic consequences amid class disparity and the destructive pursuit of fame.”
Hango ito sa isang kuwento mula sa aklat na Reportage on Crime ng National Artist for Literature na si Nick Joaquin. Ang Jaguar ay isinulat nina Jose F. Lacaba at National Artist for Film, Ricky Lee. Tampok din dito si Amy Austria.
At matapos ang international premiere sa 16th Lumière Film Festival sa Lyon, France nitong nakaraang taon, ang restored version ng Jaguar ang magbubukas sa 7th Sinag Maynila Independent Film Festival.
Magaganap ang opening ceremonies sa Martes, September 23 sa Gateway 2, ito ang magsisilbing Asian premiere ng 4K restored version ng Jaguar, dahil na rin sa pagtutulungan ng FDCP’s Philippine Film Archive (PFA) division at ng Cité de Mémoire.
Inimbitahan ang cast at crew ng pelikula na dumalo sa event para sa isang espesyal na talkback session pagkatapos ng screening.
Samantala, ang 61 na pelikula na kasali sa kompetisyon sa Sinag Maynila 2025 ay mapapanood mula September 24 to 30, sa mga sumusunod na sinehan: SM Mall of Asia, SM Fairview, Robinsons Manila, Robinsons Antipolo, Trinoma, Market! Market! at Gateway Cineplex.
Ang ticket prices ay P250 per admission.
Ang 5 Feature Films in competition sa Sinag Maynila ay ang Altar Boy directed by Serville Pobletetampok sina Mark Bacolcol, Shai Barcia, Pablo S.J. Quiogue; Cande ni direk Kevin Pison Piamontestarring JC Santos, Sunshine Teodoro, at Gian Pomperada; lJeongbu (The Mistress) ni direk Topel Lee starring Aljur Abrenica, Ritz Azul, at Empress Schuck; Madawag Ang Landas Patungong Pag-asa (The Teacher) ni direk Joel Lamangan starring Rita Daniela, Jak Roberto, at Albie Casino; at ang Selda Tres ni direk GB Sampedro starring Cesar Montano, Carla Abellana, at JM De Guzmankasama sina Aaron Villaflor, Kier Legaspi, at Victor Neri.
