HATAW! D'yaryo ng Bayan hatawtabloid.com
RATED R
ni Rommel Gonzales
HINDI nakaligtas sina Enrique Gil at Franki Russell sa mga netizen ng Bohol dahil maraming picture at videos ang agad na kumalat nang spotted ang dalawa na magkasama roon.
Usap-usapan ang biglang sightings kina Enrique at Franki matapos makita sa Bohol.
Spotted ang dalawa na naglalakad sa beach sa may Panglao.
Ayon sa pagbabahagi ng Bohol-based content creator na si Natnat Wabe Vibes, naglalakad ang dalawa kasama ang isang non-showbiz friend.
Ani Natnat, nag-snorkeling at turtle-watching ang aktor at dating PBB housemate-beauty queen.
Mayroon ding video mula sa isang netizen na bumababa ang dalawa mula sa isang otel sa Panglao.
Sa sightings sa dalawa, marami ang nagtatanong kung anong mayroon sa dalawa? Sila na nga raw ba o may proyekto kaya nagkasama sa Bohol?
Sa ngayon walang karelasyon si Enrique matapos umamn kamakailan ni Liza Soberano na matagal na silang hiwalay. Samantalang si Franki, naugnay naman ito kina Diego Loyzaga at Kiko Estrada.
