No. 7 regional most wanted na rapist sa Bulacan, arestado

NAARESTO ng pinagsanib na puwersa ng pulisya ang itinuturing na No. 7 Regional Most Wanted Person na may kasong panggagahasa sa Brgy. Caingin, Meycauayan City, Bulacan. kahapon.

Sa ulat mula kay kay Police Lt. Colonel Melvin M. Florida, Jr., hepe ng Meycauayan CPS, kinilala ang arestadong akusado na si alyas Jeff, 39 anyos, may kasong Statutory Rape sa ilalim ng Criminal Case No. 3682-M-2025.

Ang warrant of arrest ay inilabas ni Judge Elenita N.E. Macatangay-Alviar, presiding judge ng RTC Branch 121, Meycauayan City, na walang inirekomendang piyansa.

Ang operasyon ng pagsisilbi ng warrant ay pinangunahan ng Meycauayan CPS katuwang ang RIU 3, PIT Bulacan East at 304th MC, RMFB3.

Sa rekord, nabatid na matapos sampahan ng kasong panggagahasa, ang suspek na si alyas Jeff ay nagpalipat-lipat ng pagtataguan hanggang tuluyang maaresto at ngayon ay nasa kustodiya ng Meycauayan CPS para sa karampatang disposisyon.

Patuloy ang pagtugis ng Bulacan PPO, sa pamumuno ni PColonel Angel L. Garcillano, acting provincial director ng Bulacan PPO, laban sa mga most wanted criminals bilang bahagi ng kampanya para sa kapayapaan at kaayusan sa lalawigan. (MICKA BAUTISTA)