Serye nina Gladys, Zep, Marco tanggap na tanggap ng viewers

RATED R
ni Rommel Gonzales

NAGPAPASALAMAT ang MAKA cast sa mainit na pagtanggap na patuloy nitong nakukuha mula sa viewers. Damang-dama rin ang walang sawang pagmamahal at suporta ng fans na dumalo sa thanksgiving party noong Martes, July 29, sa taping location ng serye.

Masayang nakisalo, nakipagchikahan, at nagpaabot ng pasasalamat sa kanilang supporters ang cast ng serye na sina Zephanie, Marco Masa, Ashley Sarmiento, Josh Ford, Anton Vinzon, Raheel Bhyria, Mad Ramos, Elijah Alejo, Chanty, John Clifford, Olive May, Shan Vesagas, Sean Lucas, Bryce Eusebio, Bangus Girl, Jennie Gabriel, at Gladys Reyes. 

Parami nang parami ang mga Kapuso na patuloy na sumusubaybay sa serye kaya patuloy ang mataas na ratings nito. Sey nga ng viewers sa socmed, hindi maikakailang nakaka-young at heart at nakaka-good vibes ang serye. Halo-halong emosyon daw kasi ang nadarama nila sa panonood nito dahil mula sa nakakikilig na loveteams, mayroon din itong nakaiiyak at nakagagalit na mga eksena na very relatable para sa kanila.

Samahan ang buong barkada sa bagong chapter ng serye, Sabado, 4:45 p.m. sa GMA 7.