HATAW! D'yaryo ng Bayan hatawtabloid.com
MATABIL
ni John Fontanilla
TINILIAN at pinalakpakan ang model-jeweler na si Mark Lua kasama sina Miguel at Matthew Bravo nang rumampa sa katatapos na 3rd Johhny Litton Awards- Johnny Litton Birthday Celebration na ang theme ay base sa pelikulang The Last Emperor na ginanap sa The Grand Hyatt Hotel-Manila kamakailan.
Kasama sa finale na rumampa sina Mark, Miguel, at Mattew. Suot ni Mark ang napakaganda at eleganteng damit na gawa ng celebrity designer na si Nino Dominic Angeles, samantalang suot naman nina Miguel at Matthew ang pak na pak na creation ng isa pang sikat na celebrity designer na si Raymund Saul.
Agaw pansin din at talaga namang kumikinang-kinang ang mga diamonds na suot ng mga ito na nagkakahalaga ng milyones.
Hindi na baguhan sa pagrama sina Mark at Miguel kaya naman minani-mani na lang habang unang rampa naman ito ni Matthew na pasadong-pasado bilang first timer.
Kasamang rumampa nina Mark, Miguel, at Matthew at talaga namang umagaw ng eksena at standout ang Fairy God Mother ng Ka-Fam na si Ms Cecille Bravo na umani rin ng malakas na hiyawan at palakpakan suot ang creation ng sikat na designer na si Raymund.
